Essn in Wean
(erschienen in der österreichischen Dialektzeitschrift Morgenschtean: "Mahlzeit, Prost - Dopfn, Schmorrn und Tschapperlwossa")
In Gimnasium haums gsogt mia san de Elite.
Auf zwanzg.
Kennan’S ma den Rest bitte eipockn?
De Dopfnpalatschinkn woan a Gedicht heit.
Pfau do steht da Rauch.
Geh Fräulein, wo bleimdn unsare Schnitzln?
Des frische Brot pickt sowos vo aun da Maschin.
Dea kummt jedn Tog.
Für mich ein großes Glas Wasser, bitte.
Wia ma sowos essn kau.
Dea nimmt nur Madln, am liabstn vom Laund.
Imma desöwe Scheibn.
De kennan hackln, sogt a.
Bis drei no.
Wos soi i da sogn.
Des Tschoppalwossa kennan’S wieda mitnehma.
Bringan’S ma a Seidl. Owa eiskoid.
Waun i des gwusst hät.
Nächstes Semesta.
Is des jetzt mei Tschick?
So a Beidl.
Dea schmeckt noch goa nix.
Solaung es Göd passt.
Muasst du so vü rauchn?
A Obi gspritzt auf an Hoibn.
I hob ka Klagöd.
Host du gseng mit wem de duat woa?
Haum de ka Tia daham?
Dea fint se a kane.
Spuck drauf, mit a bissl an Schlatz geht des scho owe.
Kennts ia amoi de Scheibn wechsln?
Nua net ausrutschn.
De Rechnung bitte!
Getrennt.
De oaweit am Voikstheata, in da Gadarob.
Dürfen wir jetzt endlich bestellen?
Boid is drei.
Wos is mit unsare Schnitzln?
I nimm des Ansa Menü. Wos isn do fia a Suppn dabei?
De nächste Runde geht auf mi.
Fräulein! Mia woatn scho a Stund auf de Schnitzln!
Wengan Stipendium.
Geh so a Hundskrippl.
Haum de zoid?
Muass dea Hund unbedingt mittn am Gaung lieng?
Glei! Jessas Marant Josef! So a Schmorrn owa a.
Do kaust nix mochn.
Jetzt reng Sa se net so auf. Bia mocht eh kane Fleckn. Do, neman‘S de Serviettn.
Kennan mia zoin, bitte?
Ochtzehn, fünfadreißg.
Hest wos Gscheids g’leant.
Des meiste woan hundatviazg. Des woar a Freid.